MANFAAT DZIKIR

Monggo sareng-sareng belajar, luru wektu ingkang katah kebucal, mergi tiyang sami disibukaken dateng kebetahan, nyambut damel lan kesibukan-kesibukan, sihinggo katah wedal ingkang kebucal cuma-cuma. Milo monggo kito luroni wedal-wedal kolo wau, kito ginakaken damel ngatah-ngatahaken dzikir dumateng Allah WST wonten ing tingkah nopo mawon, wonten ing pundi pangenan kemawon, wedal seneng utawi susah, wedal longgar utawi rupek, wedal pinyambak utawi kempal-kempal senaoso kalian ngopi wonde wande. Jalaran dzikir wonten Allah niku ageng sanget manfaatipun lan ganjaranipun. Tiyang ingkang ngatah-ngatahaken dzikir meniko bade ngraosaken tentremipun gesang. Amergi manahipun tansah kumantil dumateng pengeran, piyambakipun tansah saged imut bilih manungso meniko namung sak dermo ngelampahi gesang. Sedoyonipun sampun diatur dening dzat ingkang moho kuwahos.

Kejawi meniko, dzikir puniko saged dados sebabipun turuning romah lan lintu-lintunipun, wonten ing setunggale hadits dipun sebataken : ora lungguh sopo qaum kang podo dzikir maring Allah kejobo malaikat-malaikat podo ngupengi lan rohmat pangeran tumurun, lan penganten-ngantenge ati tumurun ing atase wong-wong mau, lan Allah nuntun wong-wong mau marang makhluk kang ono ing ngarsane.

Mekaten dawuhe kanjeng Nabi, dados kito mboten perlu sumelang. Menawi purun ngatah-ngatahaken angenipun dzikir, gusti Allah bade paring piwales ingkang mboten kanten-kanten agengipun.

Milo monggo senaoso wonten wande, ngopi kalian rencang katah kito sami ambudidoyo ngatah-ngatahaken imut, ateges dzikir dumateng Allah Ta'ala, kito latih sekedik nggar sekedik. Kados sak bibaripun shalat gangsal wedal, shalat jum'ah lan sak piturutipun. Dzikiripun kanti maos kalimat thayyibah, shalawat utawi waosan-waosan ingkang dipun sagedi. Pokokipun pundi ingkang saged ndadosaken gampil lan sekeco anggenipun nglampahi, saged ajeg ngantos dados kebiasaan. Menawi saged mekaten insyaa Allaah manah kito keraos ayem tentrem. Kados pundi mawon kawontenanipun gesang, manah tetep anteng, lapang lan jembar.

HAQIKOTIPUN TAQWA

YAssalaamu'alaikum wr wb,

Tiyang ajrih dumateng Allah mboten cekap namung kanti lisan kemawon, nanging kedah dibutiaken kalian amaliya ingkang sae saking angguhito badan kito.

Abu Laits sampun negesaken bileh tiyang meniko saged dipun wastani ajrih dumateng Allah SWT meniko saged dipun tingali tanda-tandanipun wonten ing pitung perkawis :

1. Tiyang ingkang lisanipun tansah kangge dzikir dumateng Allah Ta'ala, maos Al Qur'an tuwin kangge mbahas ilmu, kanti mekaten lisanipun mboten dipun ginaaken kangge ngendikan goroh, ghibah ( ngerasani ) lan sanes-sanesipun.

2. Manahipun tansah narimo, mboten gadah raos permusuhan, hasud ( dengki)  lan sanes-sanesipun.

3. Menawi ninggali hal-hal donyo mboten ditingali kanti raos howo nafsu, nanging dipun tingali kanti dipun pundut i'tibaripun/ngalap ibarat, lan mboten purun ningali perkawis ingkang haram, milo Rasulullah SAW dawuh ingkang surahosipun : sing sopo wong ngebaki meripate kelawan perkoro haram, mongko Allah Ta'ala bakal ngebaki mripate ono ing dino qiyamat kelawan geni neroko".

4. Madaranipun mboten dipun kebaki kalian barang infkan haram, sebab Rasulullah SAW sampun dawuh : "Naliko barang haram mlebu ono ing wetenge anak adam, mongko sekabehane malaikat kang ono ing bumi lan langit podo ngelaknati marang wong iku selagine barang haram mau isih ing weteng. Lan nalikone wong iku mati tur isih koyo mengkono, mongko dewe e balak den lebokaken ono ing neroko".

5. Astanipun mboten dipun ginaaken kangge perkawis ingkang haram, nanging dipun ginaaken dateng perkawis ingkang nuju dateng ketaatan.

6. Sukunipun mboten kangge melangkah dateng maksiat, nanging namung kangge melampah nuju dateng keridloanipun Allah : ateges kekancan kalian alim ulama' lan tiyang-tiyang ingkan shaleh.

7. Taatipun dumateng Allah namung keranten Allah SWT.

Dene ciri-cirinipun taqwa inggih meniko, monggo kito perhatosaken dawuhipun Allah SWT : Alif Lam Mim. Kitab Al Qur'an iku kitab kang bener, ora patut den mamangi maneh, den turunaken dening Allah Ta'ala marang kanjeng Nabi Muhammad SAW dadio pituduh tumerape wong-wong kang anduweni dasar taqwa. Yoiku wong kang podo percoyo marang perkoro kang ora katon moto ( koyo suwargo neroko lan liya-liyane)  ngelakoni shalat, lan nyokongaken sebagian saking sebagian bondone, lan iyo wong-wong kang podo percoyo marang kebeneran kitab Al Qur'an lan kitab kang den turunaken sak derenge Al Qur'an, serto percoyo marang akhirat, hyo wong-wong kang mengkono mau, wong kang oleh pituduh saking pengeran, lan hyo wong kang mengkono iku kang bejo kemayangan. ( QS. Al Baqarah : 1-6 )
Amaliya-amaliyah kasebat, pancen mboten gampil kito laksanaaken, nangging kagem tiyang ingkang kepingin angsal kevahagiaan wonten ndoyo ngantos akhirat tentu beban berat kados nopo kemawon sampun ndadosaken persoaalan, senaos kalih ngopi wonten wande merangkak/mberangkang saking sekedik-kedik ngaturaken bab-bab kesaenan ingkang ndadosaken kito saged emut dumateng Allah Ta'ala. Insyaa Allaah kanti usaha-usaha ingkang kados mekaten saking sekedik nggar sekedik ing sakben dintene kito sinauni, kito lampai, insyaa Allah ketaqwaan kito saged tambah terus, kanti mekaten berarti kito sampun gadah modal kangge mengarungi/menempuh kehidupan ing donyo niki ingkang kebak godaan lan tantangan.

Kranten Allah SWT sampun dawuh :

He wong-wong kang podo iman. Siro kabeh podo wedio ing Allah Ta'ala, lan saben-saben awak-awakan mesti kudu niti-niti, amal-amal opo kang arep den ajuaken ( den gol-golaken ) kanggo ngadepi dino qiamat besuk lan siro kabeh podo wedio ing Allah. Temenan Allah iku waspodo, mirsani opo-opo kang siro kabeh podo nindakake.

Kanti ngelampai peritah-perintahipun, monggo kito sami nyinauni, belajar sareng-sareng ndandosi diri. Milo Sayyidina Umar bin Khaththab ngendiko : Podo ngoreksio siro kabeh ing awak iro dewe sak durunge siro kabeh iku dikoreksi/dihisap.

Mugi-mugi hidayah tansah lumeber dumateng kito sami, lan manah kito dipun paringi ketenangan saged ngelampahi kesaena-kesaenan sekedik nggar sekedik, ingkang akhiripun numpuk dados katah amiin amiin yaa rabbal 'aalamiin..

MINUM-MINUMAN KERAS MERAJALELA

Monggio kito sareng-sareng ningkataken taqwa kito dumateng Allah Ta'ala, dalem arti nglampahi sedoyo perintahipun, ugi kanti sabar nebihi sedanten larangan-laranganipun. Wonten ing akhir-akhir meniko, minuman keras arak, ( tuak) , wiski, brendi lan sakpanunggalanipun dados minuman kebanggaan, wonten pundi-pundi toko, kios, ugi wande-wande remang minuman meniko dipun sade terang-terangan, padahal sampun jelas lan terang bileh minuman-minuman wau dipun larang dening agami Islam lan ugi saged nimbulaken mudlorrot, baik dalem segi kesehatan ugi segi moral. Allah Ta'ala sampun dawuh : "Sejatine syaitan iku namung duwe karep nimbulaken sesatron lan geting-getingan ono ing antarane siro kabeh kanti sebab arak lan totoan. Jalaran arak lan totoan iku biso murukake olo lan fitnah. Lan hyo syaitan mau karep ngalangi siro kabeh saking iling ing Allah lan iling shalat, mulo marenono. Shahabat Umar bin Khattab Mu'adz bin Jabal, lan segolongan saking shahabat anshar, sami nyuwun watwa dateng kanjeng Nabi ing bab hukumipun khamar ( arak)  lan maisir ( totoan)  lajeng Allah Ta'ala nurunaken ayat ingkang surahodipun : Ngombe arak lan ngelakoni totoan iku ono dosane kang gede. Lan ora ono manfaate. Ono disane sebab penggawehan loro mau biso nimbulaken tukaran, pisuh-pisuhan lan mendem geloyoran. Senajan enak, seneng oleh duwit ora kangelan lan liyo-liyane maneh, nanging dosane luwih gede tinimbang penake.

Keadaan wonten ing akhir zaman mangke langkung parah malih, meh-meh roto kebiasaan tiyang minum-minuman keras. Terutami wonten ing kalangan remaja/pemuda minum-minuman keras sampun membudaya, pemuda ingkang mboten purun minum dipun anggep kolot lan kampungan, pemuda ingkang remen minum-minuman keras dipun anggep sebagai pumuda masa kini ingkang pinter ngikuti zaman | zaman gundulmu piye.
Sakmeniko mawon wonten ing pesta ( resepsi)  sampun dados suguhan utami, mboten bade dianggep pesta ( resepsi)  ingkang sak estu menawi dereng dipun suguhi minuman keras. Akibatipun nopo? Timbulah pinten-pinten kasus ingkang negatif, perkelahian lan pemerkosaan, merupakan pemandangan ingkang biasa wonten ing sakben-sakben pesta, moten saged dipungkiri niku. Ingkang diakibataken tiyang-tiyang ingkang mabuk minum-minuman keras niku wau. Milo meniko monggo kito sebagai tiyang ingkang menjunjung moral, kedah saged jagi diri lan paring piconto ingkang sae wonten ing mongso-mongso ingkang kados mekaten, sampun ngantos nderek-nderek perbuatan ingkang bejat ( amoral ) kolo wau. Allah Ta'ala sampun dawuh : he wong-wong mukmin, sejatine arak lan totoan, lan braholo lan azlam, iku kabeh namung kotor kang timbul saking  ajakane syetan, mulo siro kabeh kudu ngedohi, supoyo siro kabeh podo bejo.

Rasulullah SAW sampun dawuh : sopo wonge ngambah kiwo-tengene larangan, mongko wong mau marek-mareki kejegur ono ing larangan mau.

Mugi-mugi kito sebagai umat Islam saged njagi lan paring conto-conto ing ndalem kesaenan minimal kagem putro-putri kito tetanggi tepalih lumebere kagem masyarat katah amii amiin yaa rabbal 'alamiin.

UMAT ISLAM KUDU DADI TULADAN

Monggo kito sareng-sareng ningkataken taqwa kito dumateng Allaah Ta'ala, lan monggo sami emut dateng pentingipun dados Uswatun Hasanah utawi conto-conto wonten ing babakan kesahenan. Artosipun, kito kaum muslimin meniko kedah dados tulodo kagem tiyang wonten ing sakben-saben tindak-tandukipun, ing pundi panggenan mawon lan kagem sinten mawon. Wonten ing tenggah-tenggah masyarakat, tonggo tepalih lan sedoyo lingkungan kito. Langkung-langkung maleh kito minongko tiyang sepah, kito kedah saged dados conto sae kagem putro wayah. Sampun ngantos kuwalik, yakni ketawis dados umat Islam ananging justru dados pengarep ing perkawis-perkawis mungkar lan maksiat. Ngaten meniko temtu mboten cocok kalian ajaran Islam ingkang dipun dawuhaken dening kanjeng Nabi Muhammad SAW.

Monggo kito tingali sejarahipun kanjeng Nabi Muhammad SAW. Kanjeng Nabi miniko selaku tiyang Islam lan pemimpin, tansah dados tulodo ing sedoyo kesahean, malah-malah kanjeng Nabi Muhammad SAW meniko tansah dados tiyang ingkang dipun perintahaken dening agami Islam. Wonten ing pundi panggenan kemawon, kanjeng Nabi tansah ngetingalaken budi pakerti ingkang pinuji. Ngantos-ngantos garwanipun ingkang asmo Dewi Aisyah paring wangsulan : kaana khuluqahul qur'an. Artosipun : Akhlake kanjeng Nabi iku Al-Qur'an. Tegesipun, isi kandunganipun Al-Qur'an menikolah akhlakipun kanjeng Nabi.Gusti Allaah piyambak dawuhaken : Yekti temen-temen ono kanggo siro kabeh ing dalem pribadine Rasulullah SAW tulodo kang bagus kaduwe wong ngarep-ngarep ing gusti Allaah lan ing dino akhir.

Ngoten dawuhipun gusti Allaah, milo meniko kito minongko umatipun kanjeng Nabi Muhammad SAW, monggo samio nyonto dateng kanjeng Nabi. Artosipun, sak kiat-kiat kito monggo sami ambudidoyo sagedto dados tulodo kagem tiyang lintu wonten ing babakan kesahenan.

Dening tasih amrat nilar maksiat ingkang kadung dados kebiasaan. Monggo milai dinten niki dipun kirangi saking sekedik nggar sekedik. Insyaa Allaah dangu-dangu saged dipun tebihi babar pindah, mugi-mugi Gusti Allaah Ta'ala tansah paring hidayahipun dumateng kito sami, ingkang akhiripun pikantuk margi kesaenan-kesaenan kagem kito sami aamiin..

Nyantuni Lare Yatim

Assalaamu'alaikum WrWb, monggo kito sareng ningkataken taqwa kito dumateng Allaah Ta'ala, sareng-sareng nglampahi sedoyo perintah-perintahipun Allaah, tuwin nebihi dateng sedoyo awisan-awisanipun, kanti taqwa kito badhe wilujeng wonten dunyo tuwin wonten akhirat. Perlu dipun mangertosi sedoyo, bilih mboten wonten setunggalipun Agami wonten ing dunyo meniko ingkang nganjuraken supados  merhatosaken nasib anak yatim, kejawi Agami Islam. Kulo aturaken meniko, kranten ing dalem kenyataanipun mboten wonten setunggalipun Kitab Suci saking Agami-agami ingkang nyebataken secara khusus ing ndalem masalah anak yatim kejawi kejawi namung ing ndalem Kitab Al Qur'anul Karim, lan ugi ing ndalem hadits Rasulullah SAW, anak yatim inggih meniko anak engkang dipun tilar pejah dining bapakipun selagi piyambaipun dereng ngantos umur baligh. Anak yatim ing ndalem Agami Islam nggadah kedudukan ingkang pinyambak tinimbang anak-anak sanes. Pinyambakipun pikantuk perhatian khusus saking Rasulullah SAW, mengaten meniko mboten sanes keranten kangge njagi kelangsungan gesangipun supados mboten terlantar sak ba'danipun dipun tilar kalih bapakipun.

Allaah sampun merintahaken dumateng kito sedoyo supados menyantuni anak yatim lan nanggung kehidupanipun sampun ngantos terlantar, sedoyo kebetahanipun sakben-sakben dinten, termasuk ugi ing ndalem pendidikanipun, Agami utawi pendidikan umumipun. Allaah SWT sampun dawuh : ingkang artosipun : poro hohabat podo takon marang kanjeng Nabi Muhammad SAW ing bab anak yatim. Nuli kanjeng Nabi keturunan ayat kang surasane : gawe becik marang anak yatim iku bagus. Koyo ngundakake bandane yatim-yatim mau.supoyo ing tembe mburi ora podo terlantar. Namun siro kabeh nyampurake nafaqahe yatim kelawan nafaqah iro kabeh, iku ugo diparengngake. Hubungan iro karo yatim mau minongko hubungan karo sedulur. Allaah Ta'ala tansah mirsani wong kang gawe kerusaan sangking wong kang gawe becik. Dadi Allaah Ta'ala mesti kuwoso gawe rupek marang siro kabeh, sehinggo siro kabeh ora dikeparengaken nyampur nafaqah. Sak temene Allaah Ta'ala iku dzat kang sifat wenang lan wicaksono.

Sederek-sederek rahimakumullaah!
Rupi-rupinipun kito umat Islam sak meniko dereng ngantis katah anggen kito merhatosaken nasibipun lare-lare yatim. Katah lare yatim pundi-pundi panggenan ingkang terlantar kehidupanipun. Mboten ngraosaken pendidikan ingkang memadahi kados lare-lare sanesipun. Menawi kito bandingaken yayasan yatim piatu ingkang wonten sakminiko, dereng memadai kalian jumlah lare yatim ingkang wonten. Namung tiyang-tiyang tertentu kemawon ingkang kerso merhatosaken kehidupan lare-lare yatim. Padahal menyantuni lare yatim meniko salah setunggalipun anjuran Agami Islam ingkang sanget dipun tekanaken. Termasuk amal ingkang mulyo, ingkang mbenjang bade angsal piwales saking Allaah kanti suwargo.sejatosipun Allaah ngancam dumateng tiyang-tiyang ingkang madang bondonipun lare yatim, baik sengojo utawi mboten.

Allaah Ta'ala sampun dawuh : sak benere wong-wong kang podo mangan bandane anak yatim kelawan tanpo alasan haq, iku persasat namung ngebaki weteng, dikebaki geni, lan deweke bakal melebu neroko Sa'ir.

Rasulullah SAW sampun dawuh : luwih bagus-baguse kabeh omah iro, hyo iku omah kang kanggonan bocah yatim kang dimulyoaken.

Monggo kito berlomba-lomba beramal shaleh mugi-mugi kito pinaringan umur panjang ingkang manfaat, lan pinaringan pejah kanti Khusnul Khatimah, amiin.

*SUCI LAHIR BATIN*

Allaah SAW berfirman dalam surat Al-Isra' :36, yang artinya : "Sesungguhnya pendengaranmu,pengliatan dan hati,kesemuanya akan diminta pertanggung jawaban"

*MBAGUSI TIYANG SEPAH*

Assalaamu'alaikum wrwb.
Minongko tambeh,utawi pengiling-ngiling
Damel kulo sekeluwarga ugi kagem panjenengan ingkang sami maos
Mugi-mugi saged nambahi taqwa dumareng Allaah Ta'alaa
Mbudidoyo nglampahi dawuhipun ugi nebihi awisanipun
Monggo kito gatosaken masalah Birrul walidain utawi bekti dumateng tiyang sepah kalih kito
Kranten bilih bekti dumateng tiyang sepah kalih meniko perkawis ingkang wajib
Nopo malih kito sebagai umat muslim
Dawuhipun gusti Allaah Ta'alaa wonten ing Al Qur'anul karim:
Lan ingsun wis wasiat (perintah) ing menungso bagusi wong tuo lorone
Ibune wus sarono rekso lan nyapih ing dalem mongso rong tahun
Tegese syukuro siro marang ingsun lan wong tuo loro siro.

Tiyang sepah ingkang sampun katah perjuanganipun,kagem putro pitrine,milai tasih wonten kandutan ngantos lahiripun,lan remaja ngantos dewasa dipun ramut dipun didik lan dicekapi kebetahanipun
Milo monggo sami nggatosaken ingkang sak estu anggen bekti dumateng tiyang sepah meniko

Salah setunggale bekti dumateng tiyang sepah nggih meniko nderek dawuhipun,manut ngendikanipun,hormat lan mboten ndamel susahipun manah dumateng tiyang sepah.

Kranten ing jaman akhir meniko katah anak ingkang mboten saged maklum lan ngemong tiyang sepahipun
Katah tiyang ingkan keras utawi sio dumateng tiyang sepahipun ingkang sampun udzur
Kranten dianggep tumindak klintu lajeng dipun sentak-sentak,didukani dipun kasar,malah wonten ingkan mentolo dipun tundung Na'udzu billaahi min dzalik
Sedanten meniko duso ageng menggahipun Agami Islam

Sedoyo meniko menawi tiyang sepah tasih gesang,dene tiyang sepah sampun sumare kito wajib ngatah-ngatahaken dedongo,ndungak aken dateng tiyang,kito suwunaken ngapunten lan kito suwunaken mugi-mugi dipun panjingaken suwargo kanti  hisab ingkan enteng
Sufyan bin 'Uyainah dawuh:
Sing sopo wonge ngelampahi sholat limo wektu mongko wong mau temen-temen syukur marang Allaah,lan sing sopo wonge ndongakake wong tuo loro sakwise sholat limo wektu,mongko wong mau temen-temen syukur marang wong tuo loro

Kanti Birrul walidain meniko insyaallaah kito saged kawastanan waladun,sholihun ingkang bade pikantuk wales ganjaran agung saking ngerso dalem Allaah SWT amiin yaa robbal 'aalamiin.

Mugi-mugi kito tansah pikantuk hidayahipun Allah Ta'ala sehinggo saged nglampahi nopo ingkang sampun dipun tetapaken Allaah Ta'ala la tuwin nebihi larangan-laranganipun kanti sabar wasalaamu'alaikum wrwb.